مــجــمــوعــة قــصــائــد لــلــبــدر

بسم الله الرحمن الرحيم


هذ1 الموضوع إستكمال لسردي لتاريخ البدر في موضوع (أمير الشعر ومهندس الكلمه البدر) الذي أتمنى أن يكون حاز على رضاكم

وهذه مختارات من قصائد البدر التي وبأذن الله سنتكون دائما حاضرة بمواضيعي



........................أبــعــتــذر....................


ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ...



.......................الـــــجـــدران...............

المنزل ثلاث جدران .. ورابع ..
ما بينهم ضايع .. متشقق وعاري ..
ويميزه شباك .. ضيق ..
مصبوغ.. بالأحمر الناري ..
ومحاصرٍ باسلاك .. علقت بها وردة ..
أوراقها المنزل .. والبرعم الأفلاك ..
***
وعلى الجدار الثاني ..
وأمثال .. وأغاني
مكتوبة بكسرة فحم ..
وصندوق خشب ..
مزخرف بغير الذهب .. غير الجواهر ..
تحت الكتابه نافر ..
فوقه ظلالٍ عريق ..
مثل العنيد .. من الجروح ..
مثل السيوف اللي مقابضها حديد ..
أسرار من ماتوا بعيد ..
وما خلفوا حتى الورق ..

***
أما الثالث من الجدران ..
معلقٍ عليه صورة .. لإنسان ..
من دفتر نفوس .. مكبره ..
مدري جفونه مبخره ..
ولال تجاعيد خيوط .. دخان
وفي الركن كرسي خيزران ..
يجلس عليها الوقت ..
وجريدة ٍ عنوانها باهت .. تغفى على الإسمنت ..
وفوقها كوب فارغ .. وفتات خبز ..
وأصابع ٍ للجوع صفرا مكسره ..

***
ويبقى الجدار الأول ..
وهو أعرض الجدران .. وأكثرها وقار ..
وهو الوحيد اللي انبنا فـ نور النهار ..
بوابته على الطريق الرملي ..
صَفت أحجار درجها .. بصبر ..
وش كنها .. ؟؟
سنونٍ صفر .. في فمٍ مذهول ..
وظلما تشدك للدخول .. تشدك ..
وكل ما مسكت عكرة الباب النحاس بيدك ..
تلطخت بدم ٍ طري ..
الجرح نزفٍ يحتري .. أما الطعون ..
وين الطعون .. راحت ..

***
البيت ثلاث جدران .. ورابع ..
مالهم طابع .. يجمعهم ..
يشبهون أهلهم ..
وما صادفوا غير الحياة ..


...................أغــصــان الــمــســاويــك....................


تجلس عجوز .. في اول السوق ..
وبين الشبابيك .. وتبيع السوالف ..
وأغصان المساويك ..
ومايخالف .. لو باعتني الحكي ..
الحكي غالي هــ الايام ..
مريتها .. ابي الكلام ..
قلت : ياخاله أنا ..
ان نسوني الناس .. زعلت ..
والى اذكروني الناس .. زعلت ..
صمتي وحروفي مبعثره ..
ضحكت وقالت :
لو عدلت .. سلمت قلب وحنجره ..
ماعطيتها فلوس على هذا التعب ..
وماريحتني من التعب ..
قمت وعلى عيوني غباش ..
مدت لي مسواك جديد ..
عييت ..
وقالت لي بلاش ..
ان كانت سنونك نظاف ..
حطه في جيبك ياولدي ..
يجلي محاانا قليل ادب اهلي ماربوني الرهاف ..
من كل اأحساس ردي ..



....................رســالــة مــن بــدوي...................

يا بنت أنا للشمس في جلدي حروق
وعـلى سموم القيظ تزهر حياتي
أطرد سراب اللال في مرتع النوق
ومن الظما يجرح لساني لهاتي
عاري جسد والليل هتّان وبروق
دفاي أنا والبرد سمل العباتي
إن عذربوني بعض خلانك .. صدوق
يا بنت أنا عشق الخلا من صفاتي
وشمٍ على رمال( المتاييه) مدقوق
لاشك من منهم يسوي سواتي
أنا بدوي .. ثوبي علىالمتن مشقوق
ومثل الجبال السمر صبري ثباتي
ومثل النخيل خلقت أنا و هامتي فوق
ما عتدت أنا احني قامتي إلا فصلاتي
وإلىإفتخر بأفعال يمناه مخلوق
يا بنت انا فعلي شهوده اعداتي
الله خلقني وكلمة الحق بوفوق
وملكت الأرض .. ( وراس مالي .. عاصاتي )ل


....................مــاهــو زمــن مــرزوق....................
مرزوق..
الشايب اللي .. كله عظام عروق ..
ولد .. يوم الليالي بروق ..
يوم النهار اعشاب ..
وغدت باقي السنين المجدبه ..
ترسم تجاعيده ..
في وادي الطلح ..
طفلٍٍ حبا .. فوق الصخر والشوك ..
مرزوق .. ومر الصبا ..
وهاذي السنين بروك ..
مثل الجمال بروك .. ومقيده ..
مد الايادي .. وفك الحبال ..
اطلق الجمال الباقيه ..
السنين الباقيه ..
ورحل .. مرزوق ..
من زمن النخل والطين ..
دخل مغارة التنين ..
في ومضة اللحظه .. اولحظه النار ..
كان اللهب ازرق ..
يوم احترق مرزوق ..
وجه الصباح اشرق ..
عليه غيم .. غبار
في كل الصحاري الاوله
الوقت سيارةٍ تجري
والدنيا في الشارع ..
ماهو زمن مرزوق ..
كيف يقدر يصارع ..
هذا الحديد .. الناس ..
لاهو يَعرْف يسوق ..
ولو يقطع الشارع ..
يخاف لاينداس ..
فجأه وقف مرزوق
الشايب اللي ..
كله عظام .. عروق ..
مات .. وما في الليالي بروق ..
مافي النهار اعشاب ..
ومن يدري الاسباب ..
يمكن .. ماهو زمن مرزوق ...


...................لـــيـــلـــه....................


ليله لو باقي ليله ..
في عمري ابيه الليله ..
واسهر في ليل عيونك
وهي ليله عمر ..
يالله .. يالله ..
وش كثرانتي جميله
يالله .. يالله ..
وش كثرانا احبك
احلم .. احلم بك دايم
جنبي وانا صاحي ونايم ..
ياللي ايامي بدونك
ماهي من العمر ..
صوتك .. همسك
بيتي .. وسفري
قمرك .. شمسك
ليلي .. وفجري
وانتي ياعيوني انتي
قلبي .. انا وين ماكنتي
ياللي .. سواد عيونك
افديه العمر ..